مجموعة من نوادر و نكت - [ معهد توب ساك ]

**jozef** · 12-01-2009, 09:21 PM

قالك حاشاكم وحاشا قدركم ، البهيم إكتشف أنو إسمو لما يقولوه بنو البشر لبعضهم يتنرفزوا وبالتالي فهم أنو لازم يبدّل أسمو ..هز روحو ومشلى للحاكم متاع الغابة ، المحكمة منصوبة ، قال : سيدي الحاكم ، أنا اليوم إكتشفت أنو إسمي يعتبروه البشر سُبّة ، لذا جيت باش نغيرو نهائيا ، تبسم الأسد وقالّوا " أيا باهي ،، وآش قررت باش يولي إسمك؟ جاوبو : حوتة سيدي الرئيس..قال الأسد: حوتة ؟؟؟ لكن هاو موجودة في البحر والوديان ؟؟ بالكشي تتغشش ؟ قال البهيم : وتتغشش علاش؟؟ هي نعتبروها حوتة البحر وأنا حوتة البر ..ولى الأسد استشار أعضادو النمر والفيل ومنها قالو : داكوردو، قررنا من اللحظة هذي يتغير إسمك وتولي حوتة ..وسلمو الحُكم ..خرج البهيم فرحان ، عارضو ذئب، سلم عليه وقالو : نشوف فيك فرحان يا باهاما ..(تربيجة وبرّه ) قالو: لا باهاما ولا بهّوم ، شد إقرأ الحكم ، انا من اليوم اسمي حوتة ..وبالله خبّر الذيوبة والكلاب والثعالب ، داكوردو ؟؟ عارضتو بقرة : كيف كيف خبرها وطلب منها تعلم جماعة القرون الكل، لين تقابل مع قرد، ودار بيناتهم الحوار التالي:
القرد: اهلا بهيم
البهيم : حسّن ملافظك ، اوكي؟؟( عندو تكوين في الانقايزية )
القرد: علاه؟؟ موش انت بهيم ؟
البهيم: يا حسرة عليك،،، انا بمقتضى حكم صادر عن المحكمة وليت إسمىي حوتة ..
القرد: حوتة ؟؟ ملاّ حوتة ؟؟ باهي ياسر ...تعرفشي تعوم على الأقل ؟؟
البهيم : لا ، خوك كعبة لا في السباحة
القرد: مالا هاك بهيم ............

واحد شادد الهاتف النقال متاعو وواقف يصيح في الشارع ، ويقول" لوجي مليح، ،،، زيدي إبحثي براس أمكّ ،،، أكيد لوكان تفركسي تو تلقيه،،،" هاو متعدي واحد بجنبو ، سألو : إنّجّم نعاونك؟؟علاش تفتّش؟؟" والراجل باقي يتكلم، مشى فكّلو الهاتف يلقاه "الديسك" تجاوب فيه :الرقم الذي طلبته ، غير موجود ، يرجى إعادة الإتصال لاحقا .....

كان جحا يسير في السوق ، فجأة إقترب منه رجل وصفعه من الخلف ..فاستدار جحا ليرد له الصفعة ، لكن الرجل أمسك بيديه ومنعه وهو يقول : عذرا يا أخي ، فقد ظننتك شخصا آخر تعودت على ممازحته ، لكن جحا أصر على رد الصفعة أو التقاضي ..فكان الوقوف أمام القاضي..ومن سوء حظ جحا أن القاضي كان صديقا حميما لغريمه ..فما أن قصّ عليه جحا الواقعة حتى ابتسم القاضي وغمز لغريمه وقال له : أنا أحكم لفائدة جحا بأن تسلمه مبلغ عشرين دينارا ( وقتها يمكن قيمتها 200 ديناربفلوسنا ) فقال الغريم ، لكن ليس معي هذا المبلغ الآن ، فصاح في وجهه القاضي وهو يواصل غمزه ،: تلك مشكلتك ، هيا إذهب واحضر المبلغ ..فخرج ، وبقي جحا ينتظر ساعة ، ساعتين ، أربع ساعات ، ست ساعات ، ولم يعد الغريم ، فأدرك جحا أن القاضي تواطأ مع غريمه ،، وفكّر ،،، ثم اقترب من القاضي وصفعه صفعة طيّرت له عمامته وقال له : إذا جاء غريمي فخذ منه العشرين دينارا حلالا عليك ..ثم انصرف ..

قالك فمة واحد كذّاب ، طفّوه أصحابو ، عاد ولّى يجمع في وليدات صغار يدوّرهم بيه ويبدأ يكذب عليهم .... هاو نهار وهوما دايرين بيه قاللهم : أنا راني صياد غزال من الطراز الرفيع ، كيف نمشي لعين دراهم ، الغزالة الي وزنها أقل من مئة كيلو ما نخزرلهاش حتى الخزران..هاو مرة تعدت قدّامي غزالة (هاك الي قرونها بالأغصان) قال أنا عمّرت المقرون وصوّبت وهي تعمل هكة وتفصع ، هي تجري وأنا نجري، قال: وقفت ترتاح في "الجم" أنا صوّبت وهي تعمل هكة وتفصع ...أيا ما نطولش عليكم ، شديتها في جربة ...
قالولوا: والبحر ؟؟؟
قال: هاو علاش نكره الحديث مع الفروووووووووخ ......

نعجة قالتلو للكبش: أنا مش فاهمة علاش تعدّاوِ
برشة أعياد أضحى وما ذبحوكش؟؟
قاللها : طفّي الضوء ،،وما تقولي لحدّ ، أنا مقيّد في شهادة الميلاد "بهيم" ...

فما واحد ميعرفش شنوا معناها Palle ("إلي يشربوا بيه القازوز") الحاصل هبط قازوزة سألوا مولى القهوة قالو بال Palle ولا بلاش ، خمم السيد قالوممممم حط شوية برك

واحد ع الأوتوروت يبيع في أرنب ..وطبعا ما وقفتلو حتى سيارة ..هاو كرهبة مولاها مش مزروب وقفلو ...وقال: بقدّاش ها البهيم ؟
رجعلو : حل عينيك ، هذا أرنب موش بهيم ...
السائق: ما نحكيش معاك ، نحكي مع الأرنب ..

بوكشاش تعرّف على بوكشاشة..قالتلو : إحكيلي على نشأتك..تنهّد وقاللها: كنت تمساااااااااح أما السهر والشُّرب هلكوني ...

واحد سكران طلع من البار (حاشا الشهر) في نص الليل ..وقّف تاكسي ، العداد متاعها سجّل 480 مليم (دارو قريبة برشة ) عطى للسائق 500 مليم وقاعد يستنى في الباقي (20 مليم) قالّو السائق: والله ما عنديش الصرف الرقيق ..قال السكران: باهي إعملّي بيها ضربات كلاكسون ...

فمّة قاضي شمايتي حكم على واحد "أحول" بالأشغال الشاقة المؤبّدة ..عطاه إبرة وخيط ...

اشترى رجل بخيل ثلاث برتقالات، قطع الأولى فوجدها متعفنة فرماها، قطع
الثانية فوجدها متعفنة فرماها، فأطفأ النور وقطع الثالثة وأكلها

**mad05** · 12-02-2009, 10:01 AM

merci

**BIFR0ST** · 12-02-2009, 10:17 AM

هههه مشكور أخي نكت حلوين

**MeLeK-J** · 12-02-2009, 11:14 AM

ألف شكر أخي
واصل

**Amidos** · 12-02-2009, 11:29 AM

Merci

**™Dr.SEc™** · 12-02-2009, 01:42 PM

و الله يا يوسف موضوع 5 نجوم شبعة ضحك...يعطيك الصحة فرهدت على خوك

**jozef** · 12-02-2009, 04:10 PM

welcome all

**infierno89** · 12-26-2009, 01:08 PM

LoL trs exclnt

**Mahran** · 12-27-2009, 12:43 PM

loooooollZz
VERY FUNNY

**AyMeN_b** · 12-27-2009, 06:29 PM

مشكور أخى يوسف

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري